"Олмалиқ" - Тошкент вилояти кубоги соҳиби!

Тошкент вилоятидаги "Аҳмад Яссавий" (собиқ "Свердлов") стадионида ўтган ҳал қилувчи баҳсда Бўка туманининг "Бўкалик" ва "Олмалиқ" фарм клуби иштирок этди. Ўйиннинг асосий вақтида 1:1 ҳисоби қайд этилди. Ғолибни аниқлаш учун пенальтилар сериясида омад "Олмалиқ"қа кулиб боқди. Ўтган йил финалда имкониятни бой бериб қўйган жамоа бу йил ниҳоят кубокни қўлга киритди. 

Ўйин тугагач тақдирлаш маросими ўтказилди. Унда вилоят футбол Федерацияси раҳбарлари, Олимпия захиралари спорт коллежи раҳбарияти, спорт жамоатчилиги, журналистлар иштирок этишди.  

Шу билан бирга вилоят иккинчи лигасида совриндор бўлган жамоалар ҳам тақдирланишди. "Оҳангарон" жамоаси биринчи, "Бўкалик" иккинчи, Олмалиқ шаҳрининг "Металлург" клуби учинчи ўринни қўлга киритди. Кубок соҳиби бўлган "Олмалиқ" эса чемпионатни 6-ўринда тугатди.