"Олимпия" устози: "Мақсадимиз - ёшлар терма жамоасига ва клубларга ёш футболчиларни етказиб бериш

- Ўйин ҳақидаги фикрларингиз?

- Ўйин жудаям қизиқарли бўлди. Ҳаво ҳам яхши бўлди, футбол ўйнаш учун жуда қулай. Бизнинг футболчилар учун ушбу баҳс жуда фойдали ва керакли эди. Футболчиларимиз бундай учрашувларда ўзини кўрсатиши керак ва шундагина олимпия ва ёшлар терма жамоасига жалб этила бошлайди футболчилар. 5та футболчимиз U17 терма жамоасининг йиғининга жўнаб кетишди, шу сабаб бугун кўнглимиздагидек ўйин кўрсата олмадик. Бизнинг мақсадимиз ёшлар терма жамоасига ва клубларга ёш футболчиларни етказиб бериш. Кучли рақибларга қарши ўйинларда ўзимизни кўрсатиб яхши натижаларга эриша оламиз.

- "Навбаҳор"га қарши учрашувга жамоангиз рақиб дарвозасини ишғол этган эди. Бугун рақиб дарвозасига гол уриш учун нима етишмади деб ўйлайсиз?

- "Навбаҳор"га қарши учрашувдан фарқли ўлароқ, биз бугунги учрашувда бошқа услубда ўйнадик. Биз бугун кўпроқ қарши ҳужумларга таяниб ўйнаётган эдик. Асосий футболчиларимиз U17 терма жамоаси билан йиғинга жўнаб кетгани сабабли ҳам бугун бироз қийналдик. Йигитлар ёш озгина тажриба етишмагани ҳам кўриниб турди. Заҳира ўриндиғида ҳам футболчилар кам эди. Асосий таркибимиз билан ўйнмаганимиз сабаб бугун гол ура олмадик деб ўйлайман.