Олимпия терма жамоамиз Индонезиядаги турнирда иштирок этади
22 апр 2018 07:49
Новости

Олимпия терма жамоамиз Индонезиядаги турнирда иштирок этади

Равшан Ҳайдаров мураббийлигидаги Ўзбекистон олимпия терма жамоамиз Индонезиянинг Жакарта шаҳрида ўтказиладиган халқаро турнирда қатнашади.

Биздаги маълумотларга кўра терма жамоамиз делегацияси 25 апрель куни Индонезияга жўнаб кетади ва 27 апрелда турнир доирасидаги илк учрашувда майдонга тушади.

Ушбу мини мусобақада мезбонлар ва биздан ташқари КХДР ва Баҳрайн терма жамоалари ҳам иштирок этади. Айни пайтда терма жамоамиз “Чиғатой” (собиқ номи) терма жамоалар марказида машғулот ўтказяпти.

Айнан мана шу терма жамоамиз август ойида ва айнан Индонезияда ўтказиладиган Осиё ўйинларида иштирок этади. Ҳайдаров жамоаси қитъа ўйинларига Осиё чемпиони сифатида ташриф буюради.