"Олимпик" жамоаси бошқа клубларга ўтаётган футболчиларини ортга қайтармоқда

Охирги пайтларда айнан шу жамоа аъзолари харидоргир бўлиб қолганди.

Аммо, "Олимпик" клуби раҳбарияти олимпия терма жамоамизни олдинда жиддий мусобақа кутиб тургани боис бошқа жамоаларга қўйиб юборилиши кутилган футболчиларини ортга қайтаришга қарор қилган. ОТЖ Тимур Кападзе бошчилигида кетма-кет йиғинлар ўтказади ва футболчилар янги клубга ўтган тақдирда ҳам камида ёзгача жамоасига ёрдам беролмаслиги мумкин. Шуларни инобатга олган ҳолда ўйинчилар камида ёзгача "Олимпик"да қолиши кутилмоқда. Ўтган йили ўйнаганлардан Жасур Жалолиддинов "Нефтчи"га ўтди, Темур Мамасиддиқов эса "Локомотив"га қўйиб юборилди.

Абдурауф Бўриев, Иброҳим Ибрагимов, Отабек Жўрақўзиев ва яна баъзи ўйинчиларнинг эҳтимолий трансфери ҳозирча тўхтатилди. Шу кунларда "Навбаҳор" билан Туркияда йиғинда иштирок этаётган Алишер Одилов ҳамда Саидазамат Мирсаидов тез орада "Олимпик" ихтиёрига қайтиб келишади.

Шуни қўшимча қилишимиз керак-ки, мабодо "Олимпик"нинг бошқа клублар билан келишиб бўлган ва шартномага имзо қўйиш арафасида бўлган футболчиларига бунга руҳсат берилган тақдирда ҳам улар камида ярим мавсумга ижара асосида ортга қайтиши мумкин.