Олий лига 4-тур статистикаси

Ўқувчиларимизга якунланган тур статистикасини ҳавола қиламиз. Турнинг 7та учрашувида дарвозаларга 11та гол урилди. Ҳар бир ўйинга ўртача 1,57тадан гол тўғри келади.

4-турдаги 7та учрашувнинг 3тасида мезбон жамоа зафар қучди.
“Бухоро” - “Металлург” – 2:1.
“Навбаҳор” - “Насаф” – 1:0.
“Локомотив” - “Сўғдиёна” – 3:1.

Бу турда иккита дуранг қайд этилди.
"Олмалиқ" - "Андижон" – 0:0.
“Нефтчи” – “Қизилқум” – 0:0.

Сафардан 2 жамоа ғалаба билан қайтди.
“Машъал” - “Пахтакор” – 0:1.
“Динамо” - “Бунёдкор” – 0:2.

4-турда битта пенальти белгиланди. “Металлург” вакили Алишер Зиёвуддинов “Бухоро”га қарши ўйинда 11 метрли жарима тўпидан сўнг гол ура олмади.

Турнинг 7та учрашувида ҳакамлар томонидан 29та сариқ карточка кўрсатилди. Бу ҳар бир ўйинда 4,14тадан сариқ карточка кўрсатилди деганидир. “Нефтчи” – “Қизилқум” учрашувида энг кўп огоҳлантириш кўсатилди – 10та. “Машъал” – “Пахтакор” учрашувида ҳакам икки марта сариқ карточка кўрсатди.

Ушбу турда йирик ва иродали ғалабали ҳисоблар қайд этилмади. Бу турга қадар бир бор йирик ғалаба кузатилган бўлса, жамоалар икки бор иродали ғалабага эришишганди. Тўртинчи турда ҳеч ким бир футболчи дубл ва хет-трикка эришмади.

4-турнинг 7та учрашувини кузатиш учун стадионларга жами 45476 нафар томошабин ташриф буюрди. Бу ҳар бир ўйинга ўрта ҳисобда 6497 нафар томошабин келди деганидир. Турнинг энг кўп томошабини “Динамо” – “Бунёдкор” учрашувига келди – 13154. Энг кам томошабин эса “Локомотив” – “Сўғдиёна” баҳсига ташриф буюрган. Ушбу ўйинни кўриш учун “Локомотив” стадионига 2010 нафар томошабин келди.

4-тур	Кўрсаткич	2014 йил
7	Ўйин	28
11 (1,57)	Гол (ўртача)	57 (2,04)
3 (42,86%)	Мезбон ғалабаси	12(42,86%)
2 (28,57%)	Дуранг	6 (21,43%)
2 (28,57%)	Меҳмон ғалабаси	10 (35,71%)
1	Пенальти белгиланди	7
0 (0%)	Пенальти амалга оширилди	4 (57,14%)
29 (4,14)	Огоҳлантириш (ўртача)	118 (4,21)
1 (0,14)	Четлатиш (ўртача)	3 (0,11)
0	Йирик ғалаба	1
0	Иродали ғалаба	2
0	Дубль	1
0	Хет-трик	0
45476 (6497)	Томошабин (ўртача)	173289 (6189)

Нарзулла Сайдуллаев