Олий лига. 2-турнинг рамзий терма жамоаси

Олий лигада 14та жамоа иштирок этаётган бўлса, шундан 9та клубнинг энг яхшилари рамзий термага киритилди.




“Машъал”, “Сўғдиёна”, “Металлург”, “Бухоро” ва “Динамо” клубларидан 2-турнинг рамзий термасига ҳеч ким кира олмади. Табиийки, бу турнинг энг яхши бош мураббийи деб сафарда “Бухоро”ни 2:0 ҳисобида мағлуб этган “Навбаҳор” устози Бахтиёр Ашурматов топилди.

Энди футболчилар ҳақида тўхталиб ўтамиз. Дарвозага “Андижон” посбони Тимур Ғаниевни қўйдик. Бизга маълум бўлишича, “Қизилқум” билан кечган баҳсда Тимур Ғаниев бир неча вазиятларда жамоасини муқаррар голдан қутқариб қолган, гарчи “Андижон” 0:1 ҳисобида мағлубиятга учраган бўлса-да.

Ҳимоя чизиғидан “Нефтчи” вакили Дилёрбек Эрматов, “Локо”дан Бобур Йўлдошев, “Насаф”дан Мақсуд Каримов ҳамда “Пахтакрор”нинг ўнг қанот футболчиси Даврон Ҳошимов жой олди.



Ярим ҳимояга Руслан Вагапов, Мансур Саидов, Дилшод Жўраев, Зоҳир Пиримов сингари футболчилар лойиқ кўрилди. Ва ниҳоят ҳужум чизиғидан “Олмалиқ” сафида охирги ўйинда иккита гол урган Шерзод Ҳакимов билан “Пахтакор” ҳужумчиси Игорь Сергеев ўрин олди.



ДАРВОЗАБОН:
Тимур Ғаниев (“Андижон”)

ЧАП ҚАНОТ ҲИМОЯЧИСИ:
Дилёрбек Эрматов (“Нефтчи”)

МАРКАЗИЙ ҲИМОЯЧИЛАР:
Бобур Йўлдошев (“Локомотив”), Мақсуд Каримов (“Насаф”)

ЎНГ ҚАНОТ ҲИМОЯЧИСИ:
Даврон Ҳошимов (“Пахтакор”)

ЧАП ҚАНОТ ЯРИМ ҲИМОЯЧИСИ:
Руслан Вагапов (“Қизилқум”)

ЎНГ ҚАНОТ ЯРИМ ҲИМОЯЧИСИ:
Зоҳир Пиримов (“Олмалиқ”)

МАРКАЗИЙ ЯРИМ ҲИМОЯЧИЛАР:
Дилшод Жўраев (“Бунёдкор”), Мансур Саидов (“Навбаҳор”)

ҲУЖУМЧИЛАР:
Игорь Сергеев (“Пахтакор”), Шерзод Ҳакимов (“Олмалиқ”)

БОШ МУРАББИЙ:
Бахтиёр Ашурматов (“Навбаҳор”).