ОКМК Беларусь клуби билан ҳамкорлик шартномаси имзолади

Расмий ҳужжатни бугун “ТОРПEДО-БEЛАЗ” ФК директори Александр Пугач ва ОКМК ФК бош директори Баҳодир Мирзаев имзолади.

Шартномада кўрсатилган келишувларга қуйидагилар киради:

- болалар, ёшлар ва аҳолининг бошқа гуруҳлари ўртасида соғлом турмуш тарзини тарғиб қилиш ва футболни оммалаштириш;

- футбол соҳасида ижтимоий аҳамиятга молик лойиҳаларни амалга ошириш;

- футболни ривожлантиришга қаратилган дастурларни биргаликда ишлаб чиқиш ва амалга ошириш;

- ҳар икки давлатда ўтказиладиган халқаро мусобақаларда иштирок этиш;

- мураббийларнинг клубларнинг спорт иншоотларида амалиёт ўташлари ва ўқув-машғулотлар йиғинларида иштирок этиши;

- спорт маркетинги ва бошқа соҳаларда тажриба алмашиш;

- болалар ва ўсмирлар футболи соҳасида ҳамкорлик.

Эслатиб ўтамиз, ОКМК клуби Ўзбекистон Суперлигасининг иккинчи даврасига тайёргарликни айнан Беларусда ўтказмоқда. Баҳодир Мизаев шартнома имзолангандан сўнг ОКМК базасида "Торпедо-БелАЗ" жамоаси учун қишки мавсумолди йиғинини ташкил этишни таклиф қилди.

Бугун, шунингдек, ОКМК спорт делегацияси Беларус автомобил заводига экскурсияга йўл олди, эртага олмалиқликлар "Минск" жамоаси билан ўртоқлик учрашуви ўтказади.