ОК-2019. Ўзбекистонга қарши ўйин олдидан Пим Вербек уммонликларга ўзгача дам берди
08 янв 2019 03:44
Новости

ОК-2019. Ўзбекистонга қарши ўйин олдидан Пим Вербек уммонликларга ўзгача дам берди

БАА яшил майдонларида Осиё кубоги-2019 мусобақаси старт олиб улгурди.

Эктор Купер бошчилигидаги Ўзбекистон МТЖ дастлабки турда Уммонга қарши баҳс олиб боради. "F" гуруҳидан ўрин олган ушбу жамоалар тўқнашуви эртага, 9 январь куни Шаржадаги "Шаржа стэдиум"да бўлиб ўтади. Беллашув Тошкент вақти билан 18:30да старт олади.

Бироз аввал уммонликларнинг кечаги машғулотидан суратларни эътиборингизга ҳавола этгандик. Қизиғи, ана шу машғулотдан сўнг бош мураббий Пим Вербек футболчиларга ўзгача дам берди. Яъни, бош мураббийнинг қарори билан барча ўйинчилар Шаржадаги соҳил бўйлаб роппа-роса 25 дақиқа мобайнида пиёда сайр қилишди.

Суратлардан кўриниб турибди-ки, бу нарса футболчиларга маъқул келган. Мураббий эса шу йўл билан шогирдларини босим ва ҳаяжондан бироз чалғитмоқчи бўлгандир.