ОФК ва ЎФФ мутахассислари Бухорога ташриф буюрди

Меҳмонлар дастлаб “Марказий” стадионни кўздан кечириб,  у ерда мухлислар учун яратилган шарт-шароитлар, стадион ён атрофидаги бинолар, ҳамда болалар ва ўсмирлар футбол мактаби, “Бухоро” футбол клуби қароргоҳи билан яқиндан танишиб чиқди.
Мутахассислар “Бухоро” спорт мажмуасида нафақат футбол, балки енгил атлетика, бадиий гимнастика ва спорт гимнастикаси, бокс каби спортнинг бошқа турлари билан шуғулланиш учун яратилган имкониятларни ижобий баҳолади. Айниқса Эльнур Мамедов стадионни кузатиш чоғида,  спорт мажмуаси  ичидаги  рассомчилик устахонаси ОФК мутахассисини эътиборини тортди ва устахонага кириб  рассомдан ўзини қизиқтирган саволларга жавоб олди ҳамда у ердан илиқ таъсуротлар билан чиқиб кузатишда давом этди.
Шундан сўнг  меҳмонлар клуб маркетинг хизмати ходимлари, матбуот хизмати ва бошқа бўлим ходимлари билан давра суҳбати ўтказдилар. Самимий ва дўстона руҳ остида ўтган суҳбат чоғида, ОФК ва ЎФФ вакиллари келгусида клубнинг маркетинг ишларини янада ривожлантириш борасида керакли маслаҳатларини берди.

Шу тариқа Эльнур Мамедов ва Бахтиёр Маметовнинг Бухорога уюштирган сафари якунига етди.

“Бухоро” матбуот хизмати.