ОФК кубоги ва ОЧЛ иштирокчи клублари семинари бошланди

Унда қитъамизнинг клублар ўртасидаги энг нуфузли ҳар иккала мусобақасида қатнашадиган 80га яқин клублар вакиллари иштирок этишмоқда. ОФК семинарга ҳар бир клубдан иккитадан – жамоа менежери ва матбуот котибини таклиф этган. Икки кун давом этадиган ушбу семинарда 2016 йилги ОФК кубоги ва Чемпионлар лигаси турнирлари олдидан якунланган мавсум таҳлили ва ҳар иккала мусобақа регламентларида юз берган ўзгаришлар ҳусусида тушунчалар берилади. Қолаверса, клублар вакиллари иштирокида ҳар иккала мусобақанинг гуруҳ босқичига қуръа ташланади. Шунингдек, битта гуруҳдан ўрин олган ва “плей-офф” босқичида жуфтлик ташкил этган жамоа вакиллари бир-бирларига ўз клублари тақдимотини ўтказишади.

Семинарда “Бунёдкор” футбол клуби номидан Исломжон Ходжаев (жамоа менежери) ва Баҳодир Мирзаев (матбуот котиби) иштирок этишмоқда.