ЎФФ Президенти Умид Аҳмаджонов AFC ANNUAL AWARDS 2017 маросимида қатнашади

Ушбу маросимда Осиёнинг 2017 йилдаги энг яхши эркак ва аёл футболчиси, шунингдек, энг яхши мураббийлар аниқланади.

Ўзбекистон Футбол Федерацияси Президенти Умид Аҳмаджонов Осиёнинг энг яхшиларини аниқлашга бағишланган  AFC ANNUAL AWARDS 2017 маросимида қатнашиш учун Тайланд пойтахти Бангкок шаҳрига боради.

Бангкокка ташрифи давомида Умид Аҳмаджонов ФИФА Президенти Жанни Инфантино ҳамда ОФК Президенти Шайх Салмон бин Халифа билан учрашиб, ўзбек футболи равнақи йўлидаги чора-тадбирлар бўйича муҳокамалар ўтказиши кўзда тутилган. Шайх Салмон бин Халифа Бангкокдаги маросимдан сўнг юртимизга ташриф буюради. Аввал хабар берилганидек, у 4 декабрь куни "Бунёдкор" ва "Локомотив" ўртасидаги Кубок финалини бевосита стадиондан кузатиб боради.

Эслатиб ўтамиз, бу йил Осиёнинг энг яхши футболчиси бўлиш учун Ву Лей (“Шанхай СИПГ”, Хитой), Умар Абдулраҳмон (“Ал-Айн”, БАА) ва суриялик Умар Ҳарбин (“Ал-Ҳилол”, Саудия Арабистони ) асоий даъвогар.

Энг яхши аёл футболчи бўлишга номзодлар орасида эса австралиялик Саманта Керр, шимолий кореялик Сунг Хянг-Сим ва япониялик Саки Кумагилар бор.