ЎФФ Кубоги мусобақасига қуръа ташланди
12 дек 2017 09:15
Новости

ЎФФ Кубоги мусобақасига қуръа ташланди

Аввал хабар берилганидек, шу йилнинг 12-17 декабрь кунлари Ўзбекистон футбол федерациясининг сунъий қопламали майдонида 2001 йилда туғилган ўсмирлар ўртасида Ўзбекистон Футбол Федерацияси Кубоги мусобақаси бўлиб ўтади.

Мусобақада жами 8та жамоа икки гуруҳга бўлинган ҳолда қатнашади. ЎФФ Кубогига қуръа ташланди ва жамоалар қуйидаги гуруҳларга бўлинди:

“А“ гуруҳи: “Фарғона”, “Пахтакор”, “Бунёдкор”, “Спартак”
“В” гуруҳи: “Локомотив”, “Насаф”, “Машъал”, “Андижон”

Мусобақанинг дастлабки кунида қуйидаги ўйинлар бўлиб ўтади:
09:00 “Фарғона” – “Бунёдкор”
11:00 “Локомотив” – “Андижон”
13:00 “Пахтакор” – “Спартак”
15:00 “Машъал” – “Насаф”

ЎФФ Кубоги мусобақасини ўтказишдан асосий мақсад янги ташкил этиладиган Ўзбекистон U-19 терма жамоаси учун номзодларни саралаб олишдан иборат бўлиб, бир қатор селекционерлар турнирни кузатиб бориши режалаштирилган.