ЎФФ кечаги можародан хабардор

Ўзбекистон ва Жанубий Корея жамоалари ўртасидаги ўйинда юзага келган можаро юзасидан ЎФФ Корея Футбол Уюшмаси билан телефонда суҳбатлашди.

ЎФФ Терма жамоалар маркази ушбу масала юзасидан футболчи ва Ўзбекистон U22 мураббийлар штаби билан гаплашади ва тегишли чора кўради.

Шу билан бирга ушбу можаронинг Корея Футбол Уюшмаси билан ўрнатилган яхши алоқаларга таъсир қилмаслиги учун зарур чора-тадбирларни кўради, деб ёзилади ЎФФнинг твиттердаги расмий саҳифасида.

Эслатиб ўтамиз, кеча Таиланддаги "Қирол кубоги" доирасидаги Ўзбекистон - Жанубий Корея ўйини вақтида икки нафар футболчимиз қизил карточка олганди. Тохир Шамсиддинов учрашув сўнггида рақиб футболчисининг юзига қўли билан уч бор зарба берганди.