ЎФА Қашқадарё футбол академиясини "Пахтакор"га, Сирдарёдагисини "Металлург"га беряпти
18 дек 2018 13:09
Новости
![](https://championat.asia/upload/storage/467692_original.jpg)
![](/upload/storage/467692_220.jpg)
ЎФА Қашқадарё футбол академиясини "Пахтакор"га, Сирдарёдагисини "Металлург"га беряпти
Бизга маълум бўлишича, ушбу академиялар давлат бюджети томонидан молиялаштирилади. Лекин тез орада барча 14та академия Суперлига ва Пролиганинг айрим клубларига бириктирилиши мумкин. Бунга сабаб сифатида баъзи клубларнинг ўз академияси йўқлиги айтилмоқда.
Лекин қизиғи шундаки, агар бу борада тегишли қарор қабул қилинса, Қашқадарё футбол академиясини бундан буён "Пахтакор" оталиққа олади. Чунки "Насаф" билан "Машъал"нинг ўз академияси бор. Шунингдек, "Шўртан" жамоаси қошида ҳам футбол мактаби фаолият юритяпти ва барча шароитларга эга.
2019 йилдан бошлаб турли ҳудудларда жойлашган 14та академия қуйидаги клублар ихтиёрига ўтиши кутиляпти.
Тошкент шаҳар футбол академияси - "Локомотив"
Тошкент вилояти футбол академияси - АГМК
Наманган футбол академияси - "Навбаҳор"
Фарғона футбол академияси - "Қўқон-1912"
Андижон футбол академияси - "Андижон"
Сирдарё футбол академияси - "Металлург"
Жиззах футбол академияси - "Сўғдиёна"
Самарқанд футбол академияси - "Динамо"
Қашқадарё футбол академияси - "Пахтакор"
Сурхондарё футбол академияси - "Сурхон"
Бухоро футбол академияси - "Бухоро"
Навоий футбол академияси - "Қизилқум"
Хоразм футбол академияси - "Хоразм"
Қорақалпоғистон Республикаси футбол академияси - "Орол"
Демак, бу иш амалга ошса айтиб ўтганимиздек, Қарши шаҳридаги вилоят футбол академияси "Пахтакор", Сирдарёдаги академия эса "Металлург" қарамоғига ўтади. Бу кейинчалик қандай фойда бериши мумкинлиги тўғрисида яқин орада каттароқ мақола қилишга ҳаракат қиламиз.
Х.Холиқов
Похожие новости
![AMP Logo](https://championat.asia/image/logo-amp.png)
Комментарии