Одил Аҳмедов: "Навбаҳор"нинг асосий таркиб билан ўйнашини хоҳлагандик. Фақатгина шундай ўйинлар орқали ёш ўйинчилар ўсиши мумкин"

- "Навбаҳор" билан ўйин ҳақида нима дея оласиз? Бу ўйин жамоангиз учун Ўзбекистон кубогидаги биринчиси бўлди.

- Яхши ўйнадик деб ўйлайман. Аммо, бизга тажрибали жамоа қаршилик кўрсатди, шу сабаб, албатта, қийин бўлди. "Навбаҳор" нима қилиш кераклигини билди, бизнинг ёшларимиз эса энди ўрганмоқда. Қаердадир шошишди, қаердадир ҳис-туйғуларни тутиб турушолмади. Улар ҳали ҳам болалар футболида ўйнамоқдамиз деб ўйлашмоқда деб айтса бўлади. Нимадир чиқмади, аммо умуман олганда мен мамнунман.

- "Навбаҳор"нинг бугун асосий таркиб билан чиққани сизни ажаблантирмадими?

- Аксинча, рақибнинг кучли таркиб билан ўйнашини хоҳлагандик. Бу ёшларимиз учун катта мотивация ва тажриба. Жамшид Искандеров, Темурхўжа Абдухолиқов ва бошқа кўплаб ўйинчиларга қарши ўйнаш фойдали. Бундай ўйинлар жуда муҳим - фақатгина улар орқали ўсиш ва қандайдир ўзини кўрсатиш мумкин.

- Мамлакат кубогида "Олимпия" олдида қандай вазифа турибди?

- Асосий мақсад - тарбияланувчиларимизнинг Суперлигада, мамлакатдаги турли ёшдаги терма жамоаларида ўйнаши ва сўнгра легионер бўлишлари.

- Мавсум сўнггига кўра Про Лигага чиқиш вазифаси турибдими?

- Йўқ, биз фақатгина ўйинчиларимизнинг ривожланишига эътибор қаратганмиз. Жамоа ҳар ўйинга чиқиши, майдонда бор кучини бериши ва футбол борасида ўсиши керак.

Эмиль Бермуҳамедов суҳбатлашди

Алишер Остонов таржимаси