"Одил Аҳмедов ФА" тарбияланувчисининг дубли иккинчи уйинда ҳам Ўзбекистон ўсмирларига ғалаба келтирди
23 дек 2021 19:55
Новости

"Одил Аҳмедов ФА" тарбияланувчисининг дубли иккинчи уйинда ҳам Ўзбекистон ўсмирларига ғалаба келтирди

Сервер Жепаров қўл остидаги Ўзбекистон U-15 Дубайда БАА U-15 га қарши иккинчи ўртоқлик ўйинида майдонга тушди.

Учрашув худди биринчиси сингари ўсмирларимизнинг ғалабаси билан ниҳоясига етди. Термамизнинг ҳар икки голини "Одил Аҳмедов академияси" ҳужумчиси Лазизбек Мирзаев урди. Захирадан майдонга тушган иқтидорли ўйинчи баҳс тақдирини термамиз фойдасига буриб юборди ва терма ғалабасида ўзининг катта ҳиссасини қўшди.

Халқаро ўртоқлик учрашуви

БАА U-15 – Ўзбекистон U-15 1:2

БАА футбол ассоциацияси майдони, Дубай.

Голлар: Умар Ҳалил Иброхим 21' – Лазизбек Мирзаев пенальти 47', 71'

Маълумот ўрнида, Ўзбекистон ўсмирлар терма жамоаси 2028 йилда Лос-Анжелесда бўлиб ўтадиган Олимпиадага мақсадли ва тизимли тайёргарлик олиб бориши, кейинги йилги Осиё чемпионати саралаш босқичида муваффақиятли иштирок этиб, турнирнинг финал босқичига йўлланмани қўлга киритиши, шунингдек, 2023 йил ўтказиладиган 17 ёшгача бўлган футболчилар ўртасидаги Жаҳон чемпионатида иштирок этиши мақсад қилинган.

Ссылка :

Источник : championat.asia

Получайте новости прямо в Telegram!

Рейтинг: +16