RU

Последние новости

07:38“Интер“нинг янги бош мураббийи маълум  1 06:34ЖЧ-2026 саралаши. БАА – Ўзбекистон 0:0, Орзулар ушалган ўйин  4 02:49Қозоғистон термаси матбуот котиби: "Ўзбекистонга кўчиб кетаман"  16 02:34Одил Ҳамробеков: "Бу билан тўхтаб қолишни истамаймиз"  3 02:16Равшан Эрматов: "Бу ғалаба ўз-ўзидан келиб қолмади"  12 01:55Миллатлар лигаси. 9та гол урилган ўйинда Испания Францияни қийинчилик билан мағлуб қилди ва финалга йўл олди   54 01:41Осиёда яна катта байрам: Иордания ўз тарихида илк бор ЖЧда иштирок этади  13 01:21ЖЧ-2026 саралаши. Бизнинг гуруҳдаги барча масала ҳал бўлди  16 01:13Тимур Кападзе: "Бу ғалаба ҳаммамизники"  12 00:59Сречко Катанец: “Мен жуда қисқа гапираман…”   41 00:46Аббосбек Файзуллаев: "Ҳиссиётларни тасвирлаб бера олмайман"  13 00:35Ўткир Юсупов: "Бугун ота-онамнинг дуосини олиб, дарвозам даҳлсизлигини сақлаб қолишни ният қилиб тушгандим"  16 00:13Жанни Инфантино Ўзбекистонни жаҳон чемпионати йўлланмаси билан табриклади  25 23:52Тимур Кападзе: "Биринчи навбатда муҳтарам Президентимиз ва халқимизни ғалаба билан табриклайман"  45 23:45ЖЧ-2026 саралаши. Саудия Арабистонининг тақдири сўнгги турга қолди  7

ОЧЛ. Самвел Бабаян: "Мумбай"ни менсимаётганлар адашади" Новости

ОЧЛ. Самвел Бабаян: "Мумбай"ни менсимаётганлар адашади"

ОЧЛ 2-тури доирасидаги "Навбаҳор" - "Мумбай Сити" учрашувидан аввал матбуот анжумани бўлиб ўтди.

Унда Самвел Бабаянга жамоа ярим ҳимоячиси Азим Аҳмедов шериклик қилди ва ОАВ вакилларини қизиқтирган саволларга жавоб берди.   


Самвел Бабаян: "Ассалому алайкум. Эртага бизни муҳим баҳс кутиб турибди. Ўзбекистон замонавий тарихида илк бор Наманган, "Навбаҳор" стадиони Осиё Чемпионлар Лигаси учрашувига мезбонлик қилади. Икки йил аввал клубга келганимизда, биз ҳурматли ҳоким билан "Навбаҳор"ни қайта жонлантириш, шонли тарихдаги обрўсини тиклаш, Ўзбекистон чемпионатида энг юқори ўринларга қайтариш ва Осиё футболида ҳам ўз изини қолдиришини истагандик. Қисман бу вазифани уддаладик. Бугун "Навбаҳор" ўзбек футболи элитасида ва ОЧЛда мамлакат шарафини ҳимоя қилмоқда. 

Эртанги учрашув ҳақида гапирадиган бўлсак, баъзиларда "Мумбай" жамоаси ҳақида янглиш фикр бўлиши мумкин. Очиғини айтаман, уларнинг ўйинини ўрганиб чиқдик. Улар 0:1 ҳисобида мағлуб бўлган бўлсада, барча технико-тактик метрикалар бўйича эронликлардан устунлик қилишди. Ҳужумда кўплаб вазиятлар яратишди. Иккита ўта қулай вазиятда омад эронликларга кулиб боқди. 

Бизнинг асосий вазифамиз ҳар бир ўйинга тайёргарлик кўриш ва асосий мақсад гуруҳдан чиқиб, плей-офф йўлланмасини қўлга киритиш.

Азим Аҳмедов: "Барчага ассалому алайкум. "Навбаҳор" мухлисларини эртанги байрам билан табрикламоқчиман. Худо хоҳласа, эртага жуда ҳам яхши ўйин бўлади. Мухлислар бизни қўллаб-қувватлаб туришса, чиройли ўйин ва ғалаба билан уларни хурсанд  қилмоқчимиз".

Биринчи таъкидламоқчи бўлганим, ҳозир бизда мавсум айни қизғин палласида. Шу сабабли маълум даражада чарчоқ аломатлари, жароҳатлар бор. Бироқ биз эртага оптимал таркибда майдонга тушишга ҳаракат қиламиз. 

Маъсулият ва имкониятлар ҳақида гапирсак, бугунги "Навбаҳор" амбицияси юқори жамоа. ОЧЛ баҳсларида ҳам статист ролида бўлмасликка, мухлисларимизни хурсанд қилишга астойдил уринамиз.



Рақиб Чемпионлар Лигасида иштирок этиш тажрибасига эга. "Мумбай" жамоаси бу Хиндистон термасининг асосини ташкил этувчи клуб ҳисобланади. Маҳаллий энг кучли футболчиларга сифатли легионерлар қўшилган. Жамоанинг барча чизиқлари тенг кучли, дея оламан. Албатта, ўйинга шуларни ва ўз имкониятларимизни ҳисобга олган ҳолда режа тайёрлаймиз.

Чемпионлар Лигасида осон, ўтиш ўйинлари йўқ. Бу ерда ҳар бир жамоа бор кучини ишга солади. Ҳар бир жамоа мусобақага тайёргарлик кўрган ва таркибини ҳам шунга қараб шакллантирган. "Мумбай" жамоаси ҳам маҳаллий чемпионатнинг энг кучли футболчиларини таркибида жамлашга ҳаракат қилган. Ишончим комил, футболчиларнинг даражасидан келиб чиқиб улар ҳам гуруҳдан чиқишни мақсад қилиб ҳаракат қилишади. Такрорлайман, биринчи турда ҳам улар ёмон ўйнагани йўқ, "Мумбай" рақибдан яхшироқ ҳам ўйин кўрсатганди. 



Азим Аҳмедов: Ҳар бир позициясидаги футболчиларни ўрганиб чиқдик. Рақибнинг кучли ва заиф нуқталарини билишга ҳаракат қилдик. Худо хоҳласа, эртага барчаси яхши бўлади. 

Фаворит ҳақида гапирадиган бўлсак, шубҳасиз, бу "Ал Ҳилол". Уларнинг таркибида жаҳон даражасидаги юлдузлар, ўз мамлакатлари термаси етакчилари ҳаракат қилади. Қолган уч жамоанинг имкониятлари бир-бирига яқин, деб ҳисоблайман. Бироқ ҳар бир жамоа очко олиб қўйиши, қониқарли натижага эришиши мумкин. Чунки футболнинг тактик томони ҳам жуда муҳим ҳисобланади.          


Рейтинг: +7   

Комментарии

championat.asia
< посмотреть последние новости
Яндекс.Метрика