ОЧЛ. Кимнинг гуруҳи кучли: "Локомотив"ми ёки "Пахтакор"?

Ўзбекистон чемпиони "Локомотив" бу гал "B" гуруҳида БААнинг "Ал Ваҳда", Қатарнинг "Ар Райян" ҳамда Саудия Арабистонининг "Ал Иттиҳод" жамоалари билан тушган.

"Локомотив"нинг гуруҳдаги рақибларининг ҳозирги ҳолатига эътибор қаратадиган бўлсак, биринчи турдаги рақиби бўлмиш "Ал Ваҳда" айни пайтда амирликлар чемпионатида 17-турдан сўнг 27 очко жамғарган ҳолда 5-ўринни эгаллаб турибди. "Ар Райян" эса Қатар чемпионатида 18-турдан кейин 30 очко тўплаган ҳолда 4-поғонада бормоқда. Саудия Арабистони чемпионати вакили "Ал Иттиҳод" 21 ўйинда 15 очко тўплаб қуйи лигага тушиб кетадиган 17-ўринда мустаҳкам ўрнашиб олган.

"Пахтакор"га эса "D" "квартети"да Эроннинг "Персеполис", Қатарнинг "Ал Садд" ҳамда Саудия Арабистонининг "Ал Аҳли" жамоалари рақиблик қилишади. "Ал Садд" Қатар чемпионатида 18-турдан кейин 47очко билан якка пешқадамлик қилмоқда. "Ал Аҳли" эса Саудия Арабистони чемпионатида 22-тур олдидан 36 очко билан 5-ўринда бормоқда. "Персеполис" эса айни пайтда 20 ўйиндан кейин 41 очко тўплаган ҳолда Эрон чемпионатининг пешқадами бўлиб турибди.

"Локомотив" ва "Пахтакор" жамоаларимиз учун эса ички чемпионат ОЧЛ 1-тур ўйинларидан кейин бошланади. Мазкур жамоаларимиз Суперлиганинг дастлабки туридаёқ ўзаро тўқнаш келишади. Бунга қадар эса "Локомотив" ўз уйида "Ал Ваҳда" билан, "Пахтакор" Эронда пешқадам "Персеполис" билан баҳс бойлайди.

Қайд этиш керак, бугун Саудия Арабистони чемпионатида ўзига хос дерби, яъни "Локо" ва "Пахтакор"нинг гуруҳдаги рақиблари "Ал Аҳли" - "Ал Иттиҳод" учрашуви бўлиб ўтади.

Аль-Ахли Omar Al Somah - 78'

Премьер-лига . Тур 22 01/03/2019, 22:30 1 : 1 Завершен

Аль-Иттихад Romarinho - 71'

45'

90'

61'  Mohanad Asiri (Omar Al Somah)

69'  Salman Al-Muwashar (Николае Станчу)

73'  Клаудио Баэса

77'  Абдулфаттах Асири (Hussain Al Mogahwi)

78'  Omar Al Somah

78'  Hussain Al Mogahwi

3'  Фахад Аль-Муваллад

21'  Карим Аль-Ахмади

71'  Romarinho

84'  Romarinho (Abdulrahman Al Ghamdi)

Открыть в Матч-Центре

Бизда ҳали чемпионат бошлангани йўқ. Қатар, Эрон, Саудия Арабистони ва БАА чемпионатларида эса мавсум ўзининг қизғин палласига кирган. Бу эса рақибларимизга кичик устунликни тақдим этади. Гарчи бизда мавсум ҳали старт олмаган бўлсада, "Локомотив" Ўзбекистон Суперкубогида майдонга тушишга улгурди ва АГМК устидан қозонилган ғалаба билан янги мавсумни яхши кайфият ҳамда соврин билан бошлади. "Пахтакор" эса ОЧЛ саралаш ва плей-офф доирасидаги ўйинлари орқали ишга киришиб олди. "Шерлар" дастлаб Ироқнинг "Эйр Форс" ҳамда БААнинг "Ал Наср" жамоалари устидан ғалаба қозонди. Бу эса "Пахтакор" ҳам яхши кайфиятда мавсумга киришиб олганини англатади.

Хулоса ўрнида шуни айтиш мумкинки, жамоаларимизнинг гуруҳларига назар соладиган бўлсак, "Локо"га қараганда "Пахтакор"га анча қийин ва мушкул бўлади. Рақиблар номи, кучи ва айни пайтдаги ҳолати эътибори билан ҳам "Пахтакор"нинг гуруҳи анча кучли.

"Локо"нинг рақиблари ҳолати ва кучи ҳам "темирйўлчилар"ни чўчитмаслиги керак. Қисқа қилиб айтганда, Ўзбекистон чемпиони "Локомотив" мазкур гуруҳдаги вазифани ортиқча қийинчиликсиз уддалаши лозим.

"Пахтакор"нинг гуруҳи кучли, тўғри, лекин жамоанинг ҳозирги ҳолати ва таркиби анча барқарор ҳолатга келгани "шерлар"нинг янги мавсумдаги имкониятлари анча кенг бўлишига "сигнал" бермоқда. Яъни, "Пахтакор" ҳам мушкул гуруҳдаги жиддий вазифаларни бажариш салоҳиятига эга.

Асосийси, жамоаларимиз ОЧЛдаги энг муҳим жиҳат, яъни ўз уйидаги баҳсларда қимматли очколарни бой бермасдан, имкон қадар 100% натижаларни қайд этиши лозим.

Шаҳбоз Беғамов