ОЧЛ. "Ал Шабаб" мураббийи: "Бизда имконият юқори"

Бу ўйинда бразилиялик Фернандо Менегаззонинг 44-дақиқада урган голи саудияликларга қўл келди.

Энди улар жавоб баҳси олдидан яхши имкониятга эгалар. "Ал Шабаб"нинг бельгиялик бош мураббийи Мишель Прюдоммнинг ўйиндан кейинги фикрлари қуйидагича бўлди:
 
"Биз майнинг охиридан бери расмий учрашувларда иштирок этмаётгандик. Шунга қарамай, сафарда яхши тўп сурдик. Тўғри, ўйиннинг бошини яхши бошламадик, аммо кейин ҳаммаси биз хоҳлагандек тус олди. Бу ўйингача бир нечта назорат баҳсларини ўтказдик, лекин расмий учрашувда нималар рўй беришини ҳеч ким билмайди. Мен жисмоний тайёргарлик бўйича мураббийимизга раҳмат айтмоқчиман, у футболчиларни кучли тайёрлай олибди.  Биз ҳали йўлнинг ярмида турибмиз. Аммо жавоб баҳсини ўз майдонимизда ўтказишимизни ҳисобга олсак, бизда имконият юқори".