ОЧЛ-2016. Чорак финалга 9 июнь куни қуръа ташланади

Ўзбекистоннинг "Локомотив" клуби чорак финалдаги рақиби номини 9 июнь куни билиб олади.

Ғарб минтақасида Ўзбекистоннинг "Локомотив", Қатарнинг "Ал Жайиш" ва БААнинг икки клуби "Ал Айн" ҳамда "Ал Наср" курашни давом эттиради. Шарқда эса Хитой ("Шандонг Луненг", "Шанхай SIPG") ва Жанубий Кореянинг ("Сеул", "Чонбук Моторс") иккитадан клуби қолди.   

Икки минтақа клублари финалга қадар тўқнаш келишмайди. Шу боис Регламентга кўра бир мамлакат клублари чорак финалда тўқнаш келиши мумкин. Шу боис БАА клублари алоҳида ажратилмайди. "Локомотив" чорак финалда "Ал Жайиш", "Ал Айн" ёки "Ал Наср"га қарши ўйнайди. "Ал Наср" "темирйўлчилар" билан бир гуруҳдан ўрин олганди. "Ал Айн" ва "Ал Жайиш" "Насаф"нинг гуруҳидан чиқишганди. "Ал Жайиш" сафида ҳамюртимиз Сардор Рашидов ўйнаётганидан хабарингиз бор.

Чорак финал ўйинлари 23-24 август ва 13-14 сентябрь кунлари бўлиб ўтади.