ОЧЛ-2015. “Насаф”нинг яна бир рақиби — “Ал-Аҳли” (Саудия Арабистони)

Учрашувнинг асосий вақти дуранг 1:1 натижа билан якун топди. Учрашувдаги илк голни қувайтликлар киритди, 33-дақиқада Бадир Ал Мутва орадаги ҳисобни очди – 0:1. Ўйин тугашига 5 дақиқа қолганда ҳисоб тенглашди, бунда Умар Ал Сома голга муаллифлик қилиб, “Ал-Аҳли”ни мағлубиятдан қутқариб қолди. Ушбу ҳисоб учрашув асосий вақтида ўзгармай қолди. Сўнгра қўшимча бўлимларга навбат келди.

Қўшимча бўлимда майдон эгаларига ғалаба голини киритишга муваффақ бўлишди, учрашувнинг 115-дақиқасида Мустафо Ал Бассос жамоанинг иккинчи голини киритди – 2:1.

Ушбу ҳисоб билан учрашув ўз ниҳоясига етди. Энди “Ал-Аҳли” ОЧЛ-2015 “D” гуруҳида “Насаф”, “Ал-Аҳли” (БАА) ва “Тракторсози” (Эрон) билан бирга кураш олиб боради.

Маълумот учун, ҳамюртимиз Иван Нагаев "Ал Қодисия" таркибида дастлабки 23 дақиқада ҳаракат қилди ва бошқа футболчига алмаштирилди.


ОЧЛ-2015, плей-офф.
 “Ал-Аҳли” (Саудия Арабистони) – “Ал-Қодисия” (Қувайт) 2:1 (Асосий вақт: 1:1).

Голлар: Бадир Ал Мутва, 33-0:1, Мустафа Ал-Бассос, 115-2:1 – Умар Ал Сома, 85-1:1

Четлатиш: Холид Ал Қаҳтоний 83.