ОЧЛ-2014 жавоб финали 1 ноябрь куни бўлиб ўтади

Унда Ўзбекистоннинг учта клуб ("Бунёдкор", "Локомотив" ва "Насаф") вакиллари иштирок этмоқда. 

ОЧЛ-2014 да 141 та учрашув ўтказилади. 15 та баҳс плей-оф учрашувларида, 96 та ўйин гуруҳ баҳсларида бўлиб ўтади. ОЧЛ плей офининг иккинчи босқичида қатнашадиган (айнан "Локомотив" ва "Насаф") жамоалар 25 январгача "заявка"дан ўтказилади. ОЧЛ-2014 финалининг илк учрашуви 25 октябрь, жавоб ўйини 1 ноябрь куни ўтказилиши режалаштирилган.

Сафар ўйинларига жамоалар 18 та футболчи ва 11 нафар расмий шахслар билан бориши белгилаб берилган. ОЧЛ-2014 беллашувлари учун энг ками 18 нафар, энг кўпи 30 нафар футболчи "заявка"дан ўтказилади. Расмий шахслар эса 3/15 кўринишида.

Ўйиндан олдинги матбуот анжуманида доимгидек ҳар иккала жамоа мураббийлари ва биттадан футболчи қатнашади.Ўйиндан кейинги матбуот анжумани ўйин якунланиб, 15 дақиқа ўтгач бошланади. Унда бош мураббий ва таржимон бўлиши шарт.

Бу маълумотлар "Насаф" клуби расмий твиттеридан олинди.