ОЧЛ-2013. "Гуанчжоу" ва "Сеул" финалда ўйнайди

Ярим финалнинг дастлабки учрашувларида ғолиб чиққан клублар бугунги жавоб ўйинларидан сўнг финалга йўл олишди. 

Хитойнинг "Гуанчжоу" клуби ўтган ҳафта "Кашива Рейсол" майдонидаги баҳсда 4:1 ҳисобида зафар қучганди. Бугун бўлиб ўтган ўйинда эса Марчелло Липпи шогирдлари 4:0 ҳисобида ғалаба қозонишди.

Иккинчи жуфтликда эса Жанубий КОреянинг "Сеул" клуби бугун "Истиқлол" билан дуранг ўйнади - 2:2. Дастлабки ўйиндаги корейсларнинг 2:0 ҳисобидаги ғалабаси "Сеул"ни финалга олиб чиқди.

Финал иккита ўйиндан иборат бўлади. Дастлабки ўйин "Сеул" майдонида (25 ёки 26 октябрь) бўлиб ўтса, иккинчи финал Хитойда (8 ёки 9 ноябрь) ташкил этилади.


ОЧЛ-2013
Ярим финал жавоб учрашувлари
"Гуанчжоу" - "Кашива Рейсол" 4:0
Голлар: Элкесон 16, Д.Конка 57, Муриқуи 79, 88.
Биринчи учрашув: 4:1.

"Истиқлол" - "Сеул" 2:2
Голлар: Жей Ллойд Самуэль 50, Муҳаммад Гази 75 - Ха Даэ-Сунг 37, Ким Жин-Кю 80 пенальти.
Биринчи учрашув: 0:2