"Обод". Ёшларимиз ҳам янги мавсумга тайёргарликни бошлади

Ўтган мавсумнинг иккинчи қисмида ёшлар жамоасини бошқарган Бобур Зуҳриддинов клуб билан хайрлашгач, ўринбосарлар таркибига янги бош мураббий тайинланди. Бир неча йил "Бунёдкор" клуби доирасида фаолият кўрсатган Вячеслав Сергеевич Тигай энди "Обод" жамоаси ўринбосарларини бошқаради. 

Ҳозирда ўтган мавсум ўринбосарлар сафида тўп сурган футболчилар билан бир қаторда янги ўйинчилар ҳам синовдан ўтказилмоқда. Ёшларимиз индинга, жума куни ўзининг илк расмий ўртоқлик учрашувини ўтказади. Рақиб пойтахтнинг "НБУ-Осиё" жамоаси бўлади.