ОАВ диққатига: "Бунёдкор"нинг "Бухоро"га урган иккинчи голи муаллифи - Сардор Собирхўжаев

Эътиборлиси ушбу ўйиндаги вазиятларни "Бунёдкор" расмий канали ҳам, "Бухоро" расмий канали ҳам онлайн қилиб борди ва "Бухоро" дарвозасига урилган иккинчи гол муаллифи сифатида иккала манба ҳам Миржаҳон Мираҳмадовни қайд этди.

Драматик тарзда ўтган ўйин якунидаги икки гол ва ҳаяжон вазиятни синчковлик билан кузатиш имконини бермади ва якунда гол муаллифини эълон қилишда шошиб қолинди.  

Табиийки, шундан келиб чиқиб кўплаб ОАВ хам айнан икки манбадан хулоса қилган холда гол муаллифи сифатида Мираҳмадовни эълон қилишди. Бироқ ўйин видеосидан кўринадики иккинчи голга узатмани Миржаҳон Мираҳмадов берган ва голни Сардор Собирхўжаев урган.

"Бунёдкор" матбуот хизмати мухлислардан, ОАВдаги ҳамкасблардан узр сўрайди ва ушбу маълумотни ўз нашрларида тўғрилаб қўйишларини сўрайди.