"Ньюкасл" эмблемасини янгиламоқчи

"Ньюкасл" замонавий рақамли асрга ва клубнинг глобал ўсишига мослашиш учун эмблемасини янгилашни режалаштирмоқда.

Клуб расмий баёнотида таъкидланишича, ҳозирги герб рамзий маънога эга ва унутилмас ғалабалар ва оғир вақтлар рамзидир. Бироқ унинг мураккаб дизайни замонавий рақамли дунёда доим ҳам аниқ акс этмайди ва уни изчил тарзда қайта яратиш қийин бўлиши мумкин.

Клуб мавсумий абонемент эгалари ва клуб аъзоларини мустақил сўровда қатнашишга таклиф қилади, бунда улар гербда нималарни сақланиб қолиш ва нималарни янгилаш кераклиги бўйича ўз фикр-мулоҳазаларини билдиришлари мумкин.