"Ньюкасл" бразилиялик вундеркинд учун музокараларни давом эттирмоқда

Инглиз клуби январь ойи бошида ўсмир футболчи учун эҳтимолий трансфер борасида келишувга эришиш учун алоқалар ўрнатилганини тасдиқлаган эди. Аввалроқ Бразилия чемпионати вакили "Байер" Леверкузеннинг Франка учун юборган 10 млн фунтлик таклифига рад жавобини берган эди. "Ньюкасл" воситачилар орқали тахминан 14 млн фунтлик таклиф киритгани маълум бўлмоқда. Бироқ Жанубий Америка клуби 18 ёшли истеъдодли футболчи учун кўпроқ маблағ талаб қилмоқда ва унинг ортидан 18 млн фунт фойда кўришни режалаштирмоқда. Франканинг вазияти "Лион" ва "Реал" томонидан ҳам жиддий кузатиб борилмоқда. Шу ойда Андрей Сантосни "Челси"га бой берган "ҳаккалар" Бразилия футболининг яна бир истиқболларидан бирини бой бериб қўймоқчи эмас. 

23 ёшгача бўлган футболчилар термаси вакили сўнгги бир йилда "Фламенго"нинг асосий таркиб ўйинчиларидан бирига айланди. У амалдаги клуби билан 2027 йилга қадар мўлжалланган 75 млн фунтлик товон пули кўрсатилган шартномага эга.