"Ньюкасл" 63,5 млн евро эвазига ҳужумчи сотиб олмоқда
01 сен 2025 18:23
Новости

"Ньюкасл" 63,5 млн евро эвазига ҳужумчи сотиб олмоқда

"Брентфорд" ҳужумчиси Йоан Висса "Ньюкасл Юнайтед"га ўтмоқда, деб хабар берди журналист Фабрицио Романо.

Манбага кўра, клублар ўзаро келишувга эришган. Трансфер суммаси 63,5 миллион еврони ташкил қилади. "Брентфорд" "ҳаккалар"нинг расмий таклифини қабул қилди ва Висса бугун тиббий кўрикдан ўтади.

Ҳужумчи ўтган мавсум барча мусобақаларда 39 ўйинда қатнашиб, 20 та гол урди ва 5 та голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 32 миллион еврони ташкил қилади.

Аввалроқ "Ньюкасл" "Штутгарт" ҳужумчиси Ник Вольтемаде билан шартнома тузган эди.

Ссылка :

Источник : x.com/FabrizioRomano

Получайте новости прямо в Telegram!

Рейтинг: +4