Нозим Муллаохунов: “УзДонгЖу” мухлислар учун ўйнайди”

Нозим Муллаохунов: - Ўйин кутилганидан ҳам оғир бўлиб ўтди. Биз ҳар бир ўйинга ғалаба учун майдонга тушамиз. “УзДонгЖу” жамоаси мухлислар учун ўйнайди. Бизга ҳеч қандай босим ўз таъсирини ўтказа олмайди. “Қўқон-1912”га қарши ўтказилган кубок учрашувида шогирдларим катта куч билан ҳаракатланганликлари боис, бугунги ўйинда уларда чарчоқ аломатлари сезилиб қолди. Бугунги ўйин учун шогирдларимга катта раҳмат айтаман. Мен жамоамга ишонаман. Киритилган автоголлар ҳеч нимани ҳал қилмайди. Кейинги ўйинларда очколар олиб мухлисларни хурсанд қилишга ҳаракат қиламиз.

- Менинг энг асосий вазифам ёшларни тарбиялаш. Мақсадимиз шу ёшлардан курашувчан жамоани шакллантиришдан иборат.

- Бугунги ғалаба билан “Локомотив БФК” жамоасини табриклайман.


Комилжон Икромов ёзиб олди.