Нохуш анъанамиз тугайдиган кун...

18:00да старт оладиган баҳсга "Бунёдкор" стадиони мезбонлик қилади.

Узбекистан Остон Урунов - 52', Игорь Сергеев - 83'

Чемпионат Мира. Квалификация. Азия. 2-ой раунд. Группа E . Тур 2 21/11/2023, 18:00 2 : 2 Завершен

Иран Рамин Резаэян - 14', Мехди Тареми - 38'

Стадион: 32551 зрителей

45'

90'

3'  Хусниддин Аликулов

52'  Остон Урунов

62'  Jaloliddin Masharipov (Аббосбек Файзуллаев)

76'  Фаррух Сайфиев

82'  Рустам Ашурматов (Игорь Сергеев)

83'  Игорь Сергеев

89'  Остон Урунов (Abdukodir Khusanov)

14'  Рамин Резаэян

38'  Мехди Тареми

44'  Саман Годдос (Али Карими)

48'  Хоссейн Канаани

75'  Сердар Азмун (Рузбех Чешми)

75'  Мохамед Мохеби (Мехдрад Мохаммади)

80'  Али Карими

90'  Милад Мохаммади (Эхсан Хажисафи)

90'  Мехди Тораби (Reza Asadi)

Открыть в Матч-Центре

Форсларга қарши уйдаги ўйинларда қора анъанамиз бор. Шу кунгача бирор марта ўз майдонимизда бугунги рақибни енгмаганмиз ва бор йўғи бир маротаба гол урганмиз холос. Бу жуда ёмон статистика. Афсуски, шундай.

Сречко Катанец бошчилигидаги терма жамоамиз 5 кун олдин Туркманистонга қарши яроқсиз сунъий майдонда қийин вазиятдан чиқиб кетишди. Терма жамоа кўрсатган характер бугунги ўйинга ижобий нигоҳ билан қарашга ундамоқда. Туркманларга қарши беллашувда гол ўтказиб юборганимиздан кейин негадир футболчилар "ухлаб қолишди". Гўёки улар ўйиндан узилиб қолгандек тасаввур пайдо бўлди. Яхши ҳам ўша куни 1-бўлим тугаб қолди ва танаффусдан сўнг йигитлар ўзларига келиб олишди. Ўша кунги ўтказилган голдан кейинги 4 дақиқа Катанец учун катта фойда келтириши мумкин. Чунки, мураббий Эрондек хатоларни кечирмайдиган жамоага қарши ўйин олдидан ҳар қандай камчиликни расмий ўйинда кўриб олгани муҳим.

Шомуродов ва Шукуров аввалги ўйинда ҳақиқий етакчиликни кўрсатишганди. Бугун ҳам улардан ўшандай характер кутамиз. Бундан ташқари, Туркманистонга қарши беллашувда Аббосбек Файзуллаевнинг тушиши ҳам ўйинимизни кучайтирганди. Россияда кўпчиликнинг ёқимтойига айланиб улгурган Аббосбекдан бугун ҳам кўп нарса кутяпман.

Эрон қандай вазиятда бўлишидан қатъи назар доим бизни қийин аҳволда қолдириб кетган. Эрон деганда кўпчиликнинг кўз олдига ёмон хотиралар келади. Лекин, бугун шахсан ўзим терма жамоамиз ниҳоят форсларни уйда мағлуб этади деб ўйлаяпман. Шунга ишоняпман. Терма жамоамиз ҳозир Эронни таслим этишга қодирдек кўринмоқда. Катанец МТЖни катта ўйинларга тайёрлай олган деб ўйлайман. Балки бугун чиройли ва ҳужумкор ўйин кўрмасмиз. Лекин, бош мураббий натижа учун ўйнашни қойиллатишига ишоняпман. Бугун 3 марказий ҳимоячили қўрғонимиз ўзини кўрсатишига ва рақибга имкон бермаслигига ишоняпман.

Насиб қилса бугун 18:00 да "Бунёдкор" стадионида кўришамиз. Футболчиларимизга ғалаба ёр бўлишини тилаб қоламиз! Олға, Ўзбекистон!