Носир Отақўзиев: “Нега ўйнамаётганимни Меметдан сўранг, бу мен учун ҳам қизиқ”

 Шу билан бирга Отақўзиев қайси жамоада бўлмасин тўпурарлик маҳоратини ҳам намойиш этиб келади. Жорий мавсумни “Гулистон”да бошлаган фарғоналик ҳужумчи давралар оралиғида собиқ жамоасига қайтди.
 Аммо унинг “Нефтчи”да етарлича ўйин амалиётига эга бўлмоқда дея олмаймиз. Боиси мураббийлар штаби ҳозиргача асосан олдинги чизиқда Зайниддин Тожиев ва Отабек Исроиловнинг хизматидан фойдаланиб келмоқда.
Отақўзиев эса асосан захирада ўз вақтини келишини кутиб ўтирибди. Бунга нима сабаб бўлмоқда?

- Яхшиси бу саволни Амет Абдуллаевичга беринг, бу мен учун ҳам қизиқ – дейди Носир Отақўзиевнинг ўзи биз билан суҳбатда. Майдонга тушиб, жамоам муваффақиятларига ўз ҳиссамни қўшишга доим тайёрман.
Мураббий билан муносабатим яхши, бу борада ҳеч қандай муаммо йўқ. Лекин Мемет билан ҳозирча нима учун менга имконият берилмаётгани тўғрисида гаплашиб кўрмадим. Балки кейинги учрашувларда менга ҳам ўйнаш имкониятини берар.
“Нефтчи”га мени клуб раиси таклиф этганди.   

Исломбек Рустамбеков