Номаълум шахслар Ракитич оиласи билан дам олаётган виллага ҳужум қилишди

Маълумотларга кўра, хорватлар Евро-2016ни тарк этганидан сўнг Ракитич ватанига қайтиб, Углян оролидаги виллани ижарага олди ва оиласи билан дам олишни режалаштирди. Жума куни кечаси 6 номаълум шахс ўша оролга келиб, тезда Ракитич вилласига ҳужум қилишди. Ҳужум пайтида футболчининг оиласи уй ичида эди. Безорилар тошлар билан барча дераза ва эшикларни синдиришди ва тезда қочиб кетишди. Тахминларга кўра, ҳужум қилганларнинг бир нафари уйга кириб олган бўлиши мумкин. Воқеадан хабар топган Ракитич оиласини тезда оролдан олиб кетди.