Нималар бўляпти? "Наполи" Осимхенни А Серия мавсум қайдномасига киритмади, рақамини эса бошқа футболчига беришди

Неаполь клуби ҳужумчини А Серия мавсум қайдномасига киритмади. Мариу Руига нисбатан ҳам ҳудди шундай қарор қабул қилинди. "Наполи" энди бу футболчиларни лойиҳанинг бир қисми деб ҳисоблаймайди.

Трансфер ойнаси ёпилишдан аввал нигериялик футболчига "Челси" қизиқиш билдирган эди, аммо музокаралар муваффақиятсиз якун топди.

Осимхен ва Руи "Наполи"ни тарк этмоқчи, аммо ўз шартлари билан. Футболчиларнинг клуб билан муносабатлари бузилган.

Бундан ташқари, "Наполи" Осимхен ўйнаган 9 рақамни жамоа янги футболчиси Ромелу Лукакуга бериб юборди.