Нима учун "Манчестер Юнайтед" Райоладан воз кечиши керак?

2012 йилда агент Мино Райола ярим ҳимоячи Поль Погбани бошқа жамоага олиб кетишни сўраганида Сер Алекс Фергюсон бунга йўқ демаганди.

"Поль Погба? Ундаги агент дунёдаги энг ёмони. У бир қоп ...", - деганди ўшанда Сер Алекс.

Албатта, "Юнайтед"нинг чемпионлик руҳи сингган таркибига 19 ёшли Погбанинг кераги бўлмаган. Бироқ кейинчалик франциялик футболчи "Ювентус" таркибида аъло даражада ўйин намойиш этди.

"Бир неча футбол агентларини ёқтирмайман, Мино Райола шулар жумласидан. Унга илк танишган кунимданоқ ишонмаганман. Погба билан 3 ярим йиллик шартномамиз бор эди ва уни яна бир йилга узайтиришимиз ҳам мумкин бўлганди. Бироқ ўртага Райола аралашди ва оловни ёндириб юборди", - деганди Фергюсон.

2016 йилда Жозе Моуриньо жамоага келганидан кейин унинг агенти Жорже Мендеш орқали бир неча футболчиларни жамоага трансфер қилинди. Райола эса Златан Ибрагимович, Генрих Мхитарян ва Поль Погбанинг жамоасини ўзгартиришида муҳим роль ўйнади ва португалиялик мураббийнинг ишларини енгиллаштирди.

Погбанинг қайтиши эса ўша вақтда рекорд 89,5 млн еврога тушди. Шунингдек, унинг трансфери орқали Райола 20 млн евро ишлаб олди. 7 млн еврога эса Майамида бир вақтлар АҚШнинг энг катта мафияларидан бири, мебел бизнеси билан шуғулланган Аль Капоненинг уйини сотиб олди. Райола эса ўз ишини бажараверди. Унинг яна бир мижози Ромелу Лукаку ўтган ёзда жамоа таркибига келиб қўшилди. Ибрагимович ва Мхитарянни мавсум ярмида бошқа жамоага ўтказиб юборди.

Кейинчалик унинг бошқа мижози катта танқид қилинди. "Милан" дарвозабони Жанлуижжи Доннарумма билан бўлган ҳолатни кўрган бўлсангиз керак. Жамоа мухлислари майдонга сохта пулларни отишди ва "Dollarumma" деган баннерни кўрсатишди. Бунга аслида Райола айбдор эди. Томонлар янги шартнома имзолаши борасида хабар тарқаганди. Агент эса футболчига тазйиқ ўтказилганини айтди. Энди у ушбу ёзда футболчини катта нархга пуллаб, бошқа жамоага ўтказиб юбормоқчи.

"Жижи танлаб бўлган, унинг қарорини ҳурмат қиламан. Агарда у қолишни истаса, унинг илтимосини ерда қолдирмайман, кетгиси келса, бу борада ишлайман. Фикримча, Жижи "Милан"ни тарк этиши керак", - деди Райола.

Райоланинг бизнеси - футболчиларни пуллаш, бошқа жамоага трансфер қилиш. У қанча фаол бўлса, шунча кўпроқ пул топади. Пеп Гвардиола очиқ-ойдин шундай деганди: "Икки ой олдин Райола бизда Мхитарян ва Погбани таклиф этди. Нима учун?"

Гвардиоланинг айрим гаплари туфайли Райолани танқид қилишди. Албатта, Погба Моуриньо билан жанжаллашаётганди. Бироқ бу уни жамоадан олиб кетиш керак дегани эмас. Ҳозирги "Манчестер Юнайтед" учун эса Райола муҳим инсонлардан бирилиги аён.

Мухлислар Ибрагимовични, Балотеллини, Мхитарянни, Доннаруммани  севишади, Максвелл, Этьен Капу, Зденек Герейра каби футболчиларни қаттиқ ҳурмат қилишади. Бироқ улар Райоланинг чизган чизиғидан чиқишмайди.

Шу боисдан Гари Невилл Райолани ҳам танқид қилди: "У ҳеч кимни алдамаслиги керак. Тўғри, у ўз ишини бажармоқда. Бироқ у Погбага ёмон намуна бўлмоқда".

Манчестер дербисидан кейин Погба-Моуриньо ҳолатига бўлган қараш ўзгарди. Моуриньо уни шу кунга асраб юрганлиги билинди. Погба Райола учун ўйнамаяпти, у дунёнинг катта тарихга эга жамоаларидан бири - "Манчестер Юнайтед" шарафини ҳимоя қилмоқда. Буни эсдан чиқармаслиги керак. Райола эса қаерда пул кўп бўлса, ўша ерга югурадиган инсонлигини ҳам ёдда сақлаш даркор.

Миржалол Норматов таржимаси