RU

Последние новости

02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  0 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  53 00:02"Атлетико" — "Реал Овьедо". Таркиблар маълум  0 00:01"Тоттенхэм" — "Фулхэм". Таркиблар маълум  0 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  6 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1 21:07Камолиддин Тожиев: "Жамоадаги энг асосий нарса бу ички муҳит ҳисобланади"  2 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  4 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  3

Николай Валуев ўзбек боксидаги ўзгаришлар ҳақида изоҳ берди Новости

Николай Валуев ўзбек боксидаги ўзгаришлар ҳақида изоҳ берди

Бир неча кун аввал Ўзбекистон бокс федерацияси раисининг биринчи ўринбосари Сакен Полатов Куба бокс мактаби асосчиси бўлган Бокс федерациясининг янги маслаҳатчисини жамоатчиликка тақдим этган эди.

Ўтган ҳафтада Карлос Вильянуэва ишчи гуруҳ бошчилигида республика ҳудудларига танишув сафари билан борган эди.

Кубалик мутахассис бокс бўйича спорт мактаблари ва спорт-таълим муассасаларида яратилган шарт-шароитларга эътибор беради. Қашқадарё, Навоий ва Самарқанд вилоятларида тренерлар иштирокида долзарб масалалар муҳокама қилинган ҳолда ривожланиш истиқболлари юзасидан фикр алмашилди.

Сакен Полатов янги маслаҳатчи фаолиятини шарҳлар экан, шундай деди: «Назаримда, Карлос жуда мутаносиб стратегияга эга. Жойларда узлуксиз ва баъзан мунтазам ишламасдан туриб, бокснинг барқарор ривожланишига эришишнинг иложи йўқ. Ҳа, Ўзбекистон бокснинг энг кучли давлатлари қаторида муносиб ўрин эгаллайди, аммо бу энг йирик натижа, деб ким айтади? Ишончим комилки, янги мутахассисимиз натижаларни сезиларли даражада оширишга ёрдам беради».

Ҳар учала вилоятда Бокс федерацияси делегацияси ёш спортчилар билан учрашувлар ўтказди ва Карлос Вилянуева мураббийлар штабига тавсиялар бериб, ишни ташкил этиш бўйича ўз қарашларини тақдим этиб, бўлажак чемпионларни тайёрлашнинг янги усулларини билан бўлишди.

Россиялик спортчи ва сиёсатчи Николай Валуев ички боксни ислоҳ қилиш борасидаги фикрлари билан ўртоқлашди: «Ўзбекистонлик ҳамкасбларимни табриклайман. Офарин, тўғри иш қилинди, Куба мактаби совет мактабидан чиққан. Ўзбекистон ҳақида гапирадиган бўлсак, уларнинг боксчилари халқаро мусобақаларда юқори савияда натижалар кўрсатишмоқда. Айни дамда, ҳар қандай спорт тури тизимга муҳтож, дўстларимиз ҳам шундай йўлдан бораётгани қувонарли. Жисмоний маданият асосларини том маънода болалар боғчасидан жорий этиш лозим, лекин кўпроқ даражада, албатта, ўрта ихтисослик босқичидан бошлаб, Россияда бу тизим қисман тарк этилган, аммо унинг баъзи элементлари ҳозирда тикланмоқда.

Бу борада мамлакат раҳбариятининг ўрни катта, деб ўйлайман. Бу спорт тизимини, жумладан, мактаб таълими даражасида ривожланишини рағбатлантиришнинг ягона йўли. Фақат бу ҳолатда, натижа учун қайғурадиган иштиёқли одамлар маълум бир спорт турининг бошида туриши шарти билан тизим изчил ва самарали бўлади. Ўйлайманки, Ўзбекистонда ҳаммаси бир вақтга тўғри келди».

Эслатиб ўтамиз, давлатимиз раҳбари ташаббуси билан Ўзбекистонда боксчиларни тайёрлашнинг Миллий стандарти ишлаб чиқилиб, уни Ўсмирлар спорт мактаби, бокс мактаблари ва олимпия захиралари коллежларида жорий этиш режалаштирилган. Бу янги юлдузлар номларини кашф қилиш йўлидаги самарали танлов учун қўшимча туртки беради.


Рейтинг: +9   

Комментарии

championat.asia
< посмотреть последние новости
Яндекс.Метрика