Никола Стошич — "Бухоро"нинг ҳар қандай ҳолатда ҳам бўшашишга ҳаққи йўқ"

Бу ўйинда жамоасининг ғалабасига муносиб ҳисса қўшган сербиялик дарвозабонга бир нечта саволлар билан мурожаат қилдик. 

Бухара Рузимбай Ахмедов - 48'

ПРО лига. Тур 24 01/11/2022, 17:00 0 : 1 Завершен

Турон

45'

90'

48'  Рузимбай Ахмедов

Открыть в Матч-Центре

- Никола ғалаба билан табриклаймиз. "Бухоро" Суперлига сари катта қадам ташлаган учрашувдан қандай таассуротлар қолди?

- Биз финал учрашувида майдонга тушдик. Тўғри ўйин Про лига доирасида ўтказилди. Бироқ чинакамига икки жамоа учун финалга тенг баҳс эди. Майдонда кўп куч сарфланди, асабий ҳолатлар кўп бўлди. Мураббийларнинг кўрсатмаларини тўғри бажаришимиз эвазига ижобий натижа эришдик. 

- "Бухоро" Суперлига йўлланмаси масаласини ҳал қилди, десак бўладими?

- Бу ҳақида аввал ҳам айтганман. Суперлигага чиқиш масаласи охирги турдан сўнг ҳал бўлади. Олдинга катта силжиш қилдик. Қолган 3та учрашувга жиддий тайёргарлик кўрамиз. Ҳар қандай ҳолатда ҳам бўшашишга ҳаққимиз йўқ. 

- Ҳаким Фузайлов билан аввал "Истиқлол"да бирга ишлагансиз. "Бухоро"га келишингиз бевосита ушбу мутахассис билан боғлиқми?

- Ҳаким Қаюмович билан 2019 йил "Истиқлол"да бирга ишлаганмиз. Шу боис мавсум бошида "Бухоро"га таклиф қилди. Очиғи бу ҳақида ўйламагандим. 2021 йил "Динамо"ни Суперлигага олиб чиқди. Ўйлайманки, бу ишни "Бухоро"да ҳам такрорлашга яқин туриди. 

- Аввал Тожикистонда тўп тепгансиз. Эндиликда Ўзбекистон Про лигасида дебют қилдингиз. Аввал ўйнаган мамлакатларингиздан фарқли ўлароқ бу ерда нима ажаблантирди?

- Очиғи Ўзбекистонда ўзимни жуда яхши ҳис қиламан. Биз бир оиламиз. Бўш кунларда палов тайёрлаймиз. Мақсадимиз йўлида дадил интилмоқдамиз. Бу ерда мухлислик ҳам ажойиб даражада. Улар футболни яхши кўришади. Про лигага келсак, жуда қийин мусобақа. Жамоаларнинг даражаси деярли тенг. Оддий учрашувлар йўқ. 

- Ўзбекистон кубоги финалини кўрдингизми?

- Буни ҳақиқий футбол байрами дейиш мумкин. Ўйин атрофидаги ажойиб атмосфера майдонда ҳам бўлди. Ўйинни стадиондан томоша қилдик.