Неймар Суперкубок медалини қўлга киритгач: "Мактабда ҳам меҳнатни бошқалар қиларди, мен эса шунчаки баҳо олгани борардим"

"Ал Ҳилол" кеча Саудия Арабистони Суперкубоги финалида "Ал Иттиҳод"ни йирик ҳисобда мағлуб қилиб, ғолибликни қўлга киритди. 

Ушбу турнирда бирорта ҳам ўйин ўтказмаган Неймарга медаллар тақдим этилди ва у жамоадошлари билан бирга чемпионликни нишонлади. Бразилиялик футболчи тақдирлаш маросимидан сўнг ўз инстаграм саҳифасида ушбу ҳолат ҳақида ҳазиллашди.

"Мактабда ҳам шундай эди. Меҳнатни бошқалар қиларди, мен эса шунчаки керакли баҳони олгани борардим", -дейди Неймар.