Неймар: “Мбаппе футбол оламидаги буюк футболчилардан бири бўлишига шубҳам йўқ”

“Мен учун у аллақачон феноменга айланиб улгурган. У ажойиб фаолияти орқали ҳозиргиданда яхшироқ ўйин намоийиш этиши мумкин. Килиан жаҳон футболидаги буюк футболчилардан бирига айланишига шубҳа қилмаяпман. У босиқ, бахтли, доим қувонч оғушида, рақибларига тинчлик бермайди. Лекин ҳали у жуда ёш ва тажриба тўплаши лозим” дея Неймарнинг сўзларидан иқтибос келтирмоқда Goal.

Жорий мавсумда Мбаппе ПСЖ таркибида 35 та учрашувда майдонга тушди ва 31 та гол уриб, 15 та голга ҳаммуаллифлик қилди. У 2017 йилнинг ёзида “Монако”дан ПСЖга кўчиб ўтганди. 20 ёшли ҳужумчи Франция термаси таркибида 30 та ўйинда 12 та гол уришга эришди.