Невилл: "Роналду — Руни — Тевес триоси Мане — Фирмино — Салах учлигидан кучлироқ эди"
13 мая 2020 19:19
Новости

Невилл: "Роналду — Руни — Тевес триоси Мане — Фирмино — Салах учлигидан кучлироқ эди"

"Манчестер Юнайтед" ва Англия терма жамоасининг собиқ ҳимоячиси, бугунги кунда футбол эксперти сифатида фаолият юритаётган Гари Невилл АПЛ тарихидаги энг яхши ҳужум учлигини айтди.

Унинг фикрича, 2007-2009 йилларда МЮда ўйнаган Криштиану Роналду — Уэйн Руни — Карлос Тевес триоси тарихдаги энг кучлиси ҳисобланади.

"Бу учлик ажойиб ўйинлар кўрсатарди, улар, шунчаки, бу дунёдан эмасди. Гап фақат ўйинчиларнинг сифати ҳақида эмас. Уларнинг ҳар бири гол уриш учун даҳшати истаги бор, худбин футболчилар эди.
Роналду бошқача — рақибларини таъқиб қилмас, қўполлик ишлатмас, аммо жуда ақлли футбол намойиш қиларди. Руни ва Тевес эса ҳақиқий кўча жангчилари, уларнинг ўзгача қобилятлари бор эди.
Мен учун Премьер-лига тарихидаги ҳеч қайси трио улардан кучли эмас. Сиз Мане, Салаҳ ва Фирмино ҳақида гапиришингиз мумкин, мен бу футболчиларни яхши кўраман. Шунингдек, Стерлинг, Агуэро ва Сане учлиги ҳам бор, аммо улар юқори чўққисига чиққан Тевес, Руни, Роналду триосидан кучли бўлолмайди. Улар афсонавий учлик эдилар", — деди Невилл Sky Sports телеканалининг "The Football Show" кўрсатувида.

Ссылка :

Источник : Sky Sports

Получайте новости прямо в Telegram!

Рейтинг: +15