Неъматулла Қутибоев: "Регистон" устидан ғалаба қозонишимизни билган эдим"

Жумладан Самарқандда "Регистон" устидан йирик 4:0 ҳисобида ғалаба қозонган "Орол" жамоаси бош мураббийи Неъматулла Қутибоев ўйин ҳақида ўз фикрларини билдириб ўтди.

"Жамоамиз ёш ва аста секин ўз ўйинини топиб бормоқда. Ўтган турда қозонилган жуда қийин ғалаба йигитларни руҳлантирди. "Регистон" жамоаси бизга қаршилик кўрсатди лекин мен очиғини айтсам ушбу ўйинда ғалаба қозонишимизни билар эдим. Жамоамиз битта жамоа бўлиб ўйин кўрсатди ва натижасини кўрсатди. Бошқа учрашувларда ҳам мана шундай аҳил жамоани ушлаб қола олсак бирон натижага эришамиз.

Дастлабки бўлимдаги ўйиндан тўла қониқиш ҳосил қилдим. Низанов ва Хаиповларнинг ўйини яхши томонга ўзгариб жамоани олдинга бошлай олаяпди.

Жамоанинг ҳозирги имкониятидан келиб чиқиб дастлабки вазифамиз бу кучли саккизликка кириб кейинги босқичга йўл олиш" - дейди Неъматулла Қутибоев