"Нефтчи" хорижда ўйнаган ўзбекистонлик ярим ҳимоячи билан шартнома тузади
11 июл 16:45
Новости

"Нефтчи" хорижда ўйнаган ўзбекистонлик ярим ҳимоячи билан шартнома тузади

Ўзбекистонлик ярим ҳимоячи Қувондиқ Рўзиев фаолиятини Фарғонада давом эттиради.

Малайзиянинг "Сри Паханг" клуби Қувондиқ Рўзиев билан шартнома бекор қилинганини эълон қилди. Малайзия клубининг инстаграмдаги саҳифасида Рўзиев "Нефтчи"га ўтаётгани боис уни қўйиб юборгани ҳақида ёзган.

Маълумот учун, Рўзиев бир йил давомида "Сри Паханг" сафида барча мусобақаларда 19 та ўйинда майдонга тушиб 1 та гол урди ва 1 та голли узатмани амалга оширди.

Олдинроқ "Нефтчи" Ўзбекистон терма жамоаси ҳужумчиси Азизбек Амоновни ҳам ўз сафига қўшиб олишга яқинлиги ҳақида хабар бергандик.