"Нефтчи": Сергей Смородинга омад тилаймиз!

Ўз вақтида Ўзбекистон ўсмирлар терма жамоасида ҳам тўп сурган истеъдодли дарвозабон фарғоналиклар таркибида бир қатор ишончли мавсумларни ўтказди. “Нефтчи” ПФК ўз сафида фаолият олиб бораётган ва ўз тарбияланувчиларининг хар бирини юқори даражадаги топ жамоалар таркибида ўйнаш тарафдори ҳамда бу ғояни қўллаб-қувватлайди. Сергей Смородинга Украина клубидан хар тарафлама фойдали ва қулай бўлган таклиф келиб тушди. “Нефтчи” ПФК дарвозабонга ушбу жамоанинг бир қатор йиғинларида иштирок этиш имкониятини яратиб берди ҳамда Смородин “Черноморец Одесса” кўригидан муваффақиятли тарзда ўтди. Эндиликда ўзбекистонлик вакилимиз Украина футболида ўз омадини синаб кўради.

Сергей Смородинни Европадаги фаолияти орқали дарвозабон сифатида янада ўсиши учун  “Нефтчи” ПФК мураббийлар штаби уни “Черноморец Одесса”га ўтишига розилик билдиришди. Умид қиламизки, Сергей украиналиклар сафида ўз профессионал даражасини янада ўстиради ва Ўзбекистон МТЖга муносиб ижрочи бўлиб етишади.


“Нефтчи” ПФК эса собиқ жамоамиз вакилининг навбатдаги фаолиятида омад ва зафарлар тилайди!