"Нефтчи" матбуот хизмати: "Футзал бўйича Олий лиганинг навбатдаги тур учрашувларига тайёгарлик авжида"

Ушбу хабар юзасидан "Нефтчи" матбуот хизмати расмий муносабат билдирди.

"Бир неча соат олдин Championat.asia cайтида "Эшитдик-да: "Навбаҳор" ва "Нефтчи" футзал чемпионатининг кейинги турига бора олмаслиги мумкин" сарлавҳаси остида мақола чиқарилди.

Ҳабарингиз бор, футзал бўйича Олий лиганинг навбатаги тур ўйинлари Хоразм шарҳрига қўйилган. Мақолада "Нефтчи" футзал жамоаси ушбу тур ўйинларига бора олмаслиги. Сабаб сифатида масофа ва у ердаги меҳмонхоналарнинг нархи клубларга муаммо туғдиряпти, деб ёзилган.   

Маълумот учун, Ўзбекистон футзал бўйича Олий лиганинг навбатдаги тур учрашувларига тайёгарлик авжида ва "Нефтчи" футзал жамоаси навбатдаги турларга қатнашади. Жамоа ҳозирги кунда мусобақанинг тўққизинчи ўрнини банд қилиб турибди. Бундан ташқари, жамоамиз бош мураббийи Фарруҳ Зокиров Ўзбекистон футзал терма жамоасининг Осиё Кубогида қатнашиши сабабли ўқув-йиғин машғулотларига жалб қилинганини маълум қиламиз", – дейилади "Нефтчи" матбуот хизмати берган хабарда.