Назорат учрашуви. "Сўғдиёна" Россия клуби устидан иродали ғалабага эришди, Фарҳодовдан хет-трик!
17 фев 2022 11:09
Новости

Назорат учрашуви. "Сўғдиёна" Россия клуби устидан иродали ғалабага эришди, Фарҳодовдан хет-трик!

Ўзбекистон вице-чемпиони, Жиззахнинг "Сўғдиёна" клуби Туркиядаги йиғинни давом эттирмоқда.

16 февраль куни Улуғбек Бақоев бошчилигидаги "Сўғдиёна" Россия биринчи дивизиони вакили Тольяттининг "Акрон" клубига қарши назорат учрашувини ўтказди. Дастлаб "Акрон" вакиллари 2:0 ҳисобида олдинга чиқиб олишди. 56, 85 ва 90-дақиқаларда "Сўғдиёна" вакили Бобур Фарҳодов томонидан урилган учта гол вакилларимизга иродали ғалабани келтирди - 3:2.

"Акрон" (Россия) – "Сўғдиёна" 2:3
16 февраль. Лара. «Nirvana Cosmopolitan Sport Center» майдони.
Голлар: 1:0 Палиенко (26), 2:0 Азаров (49), 2:1 Бобур Фарҳодов (56), 2:2 Бобур Фарҳодов (85), 2:3 Бобур Фарҳодов (90).