Навбат “Уфа”га! Жамоа РПЛдан чиқиб кетмоқчи

РПЛ 4-тури доирасида “Ростов”га (1:0) қарши ўтган баҳсдан кейин "Уфа" директорлар кенгаши раиси Ростислав Мурзагулов ўйинни бошқарган Михаил Вилковнинг ҳаракатлари ўрганиб чиқилиши кераклигини айтди. Уфаликлар Вячеслав Кротов майдондан четлатилганидан сўнг 50 дақиқа давомида бири киши кам бўлиб ўйнади.

“Мен барча журналистлар жамоасига мурожаат қилмоқдаман ва бизни қўллашингизни сўрайман. Агар бугун Вилков бошқаргани каби ўйинларда иштирок этсак, биз бутун Россияни ютқазамиз. Биз шунчаки футбол ўйнашни хоҳлайдиган болакайларни йўқотиб қўямиз, боиси улар майдонда нима бўлаётганини кўришади. Бугун 11 эмас, 15 кишига қарши ўн нафар бўлиб ўйнадик – рақиблар ва ҳакамлар бригадаси.

Вилковнинг ишлаш усули – жирканч. Бу “Спартак” – “Сочи” (2:2) баҳсидаги Казарцевнинг ҳаракатларига нисбатан бир неча бор ёмон. Биз Вилковни коррупция ва ўғирлик учун полиграфда синовдан ўтишини талаб қиламиз. Унинг ҳаракатлари шубҳали эди. Бугун клуб билан йиғилиш ўтказамиз ва агарда камида яна бир ўйин шундай ўтса, чемпионатни тарк этишни муҳокама қиламиз”, дейди Ростислав Мурзагулов