"Навбаҳор"ни яна бир футболчи тарк этди

Обид Жўрабоев маълум муддатли танаффусдан кейин “лочинлар” таркибига ўтган йилги мавсум арафасида Фарғонанинг “Истиқлол” жамоасидан қўшилганди. Мазкур футболчи 2019 – 2020 йиллар мавсуми давомида наманганликлар таркибида Суперлига баҳсларида жами 29та ўйинда майдонга тушиб, 2360 дақиқа тўп сурди ҳамда 1та гол муаллифига айланди.

Маълумотларга қараганда, Обид Жўрабоев Про-лига вакили Самарқанднинг “Динамо” жамоаси таркибига қўшилади. Бундан олдин “Навбаҳор”дан тожикистонлик ярим ҳимоячи Амирбек Жўрабоев оилавий сабабларга кўра, кетганди. Унинг ортидан Амирбекнинг фамилиядоши ҳам “лочинлар” сафини тарк этди.

Биз Обид Жўрабоевга жамоамиздаги фаолияти ва ажойиб ўйинлари учун миннатдорчилик билдириб, кейинги футболчилик фаолиятида омад ёр бўлишини тилаймиз", - деб ёзади “Навбаҳор” ПФК матбуот хизмати.