"Навбаҳор": Ёшларимиз "Нефтчи" билан дуранг ўйнашди
02 фев 2017 17:07
Новости
![](https://championat.asia/upload/storage/238491_original.jpg)
![](/upload/storage/238491_220.jpg)
"Навбаҳор": Ёшларимиз "Нефтчи" билан дуранг ўйнашди
Фарғоналиклар билан ўтган ўйинда футболчиларимиз ижобий натижа сари ҳаракат қилишди. Ўз навбатида “Нефтчи” вакиллари ҳам фақат ғалабани кўзлаган ҳолда тўп суришди. Аммо, якунда уч очкони қўлга киритиш ҳеч бир жамоага насиб этмади. Ҳар икки жамоа футболчиларида гол уриш учун бир қатор имкониятлар бўлсада, вазиятларни голга айлантириш ҳеч кимга насиб этмади ва баҳс 0:0 ҳисобидаги дуранг билан якун топди. “Нефтчи” билан ўтган ўйинда жамоамиз таркибида ҳужумчи Абдумалик Абдуллаевни ҳам тўп сурганлигини айтиб ўтиш жоиз.
Учрашувни ёшларимиз қуйидаги таркибда ўтказишди: Мирзоҳид Маматхонов, Искандар Сидиқжанов, Шаҳзод Ҳамидов, Жавоҳир Олимжонов, Ғолиббек Каримов, Шоҳруҳмирзо Аҳмадалиев, Аббос Ғуломов, Акбарали Холдоров (Музаффар Абдуллаев), Аҳмад Мамадалиев (Илҳом Алибоев), Ислом Абдуқодиров (Бобир Тиллабоев), Абдумалик Абдуллаев (Иброҳим Исмоилов).
Шу тариқа “А” гуруҳида қатнашган ёшларимиз 4 очко жамғарган ҳолда гуруҳда учинчи ўринни банд этишди. Гуруҳ ғолиблигини Фарғонанинг яна бир жамоаси “Истиқлол” 7 очко билан қўлга киритган бўлса “Нефтчи” клубининг биринчи таркиби беш очко билан иккинчи поғонада қайд этилди. Сўнгги ўринни эса очко тўплай олмаган Андижоннинг “ЎзДонгЖу” жамоаси банд этди. Гуруҳда қайд этилган Қирғизистоннинг “Олой” жамоаси мусобақада қатнашмаганлиги сабабли Ўш жамоасига қарши ўйин ўтказилмади.
Похожие новости
![AMP Logo](https://championat.asia/image/logo-amp.png)
Комментарии