"Навбаҳор": Иқтидорли ёшлар учун танлов
12 дек 2014 15:55
Новости

"Навбаҳор": Иқтидорли ёшлар учун танлов

"Навбаҳор” ёшлар жамоаси ҳамда вилоят шарафини биринчи лигада ҳимоя қилаётган жамоалар сафида маҳаллий иқтидорли футболчиларни тўп суришини таъминлаш мақсадида 13-16 декабр кунлари Наманган шаҳрида мусобақа бўлиб ўтади.

Мазкур турнирда вилоятдаги спорт ва футбол мактабларида шуғулланаётган 1996-1997 йилларда туғилган ўйинчилардан ташкил топган жамоалар иштирок этишади. Мусобақадан ўрин олан учрашувларда майдонга тушиб ўзини кўрсатган иқтидорли футболчилар саралаб олинади.

Турнир якунида жамоалардан танлаб олинган ёшлардан уч-тўртта таркиб шакллантирилиб, ҳал қилувчи ўйинларда иштирок этишади. Мусобақадан ўрин олган учрашувларни “Навбаҳор” жамоаси ҳамда “Навбаҳор-Умид” футбол мактабида фаолият юритаётган мураббийлар кузатиб боришади ва муносибларни тавсия қилишади.

Турнирнинг сўнгги кунида ўтказиладиган учрашувларни “Навбаҳор” жамоаси бош мураббийи Бахтиёр Ашурматов ҳам кузатади. Якунда барчаси сарҳисоб қилиниб, мураббийлар кенгаши томонидан иқтидорли деб топилган футболчилар “Навбаҳор” ёшлар жамоасида шуғулланиш имконига эга бўладилар. Маълумот ўрнида мусобақа Наманган вилоят футбол федерацияси ва "Навбаҳор" футбол клуби ташаббуси билан ўтказилаётганлигини келтириб ўтиш жоиз.

Ссылка :

Источник : pfcnavbahor.uz

Получайте новости прямо в Telegram!

Рейтинг: