RU

Последние новости

09:30Русланбек Жиянов: "Иккинчи таймда ўйинимиз очилди"  0 09:02Жиззахдаги стадион "ёнган" учрашувдан ГАЛEРEЯ  0 08:33Ўртоқлик учрашуви. Ҳусанов майдонга тушган баҳсда "Манчестер Сити" ғалаба қозонди  1 08:04Суперлига. Бугун 16-тур якунланади  0 07:35Лионель Месси жароҳат олди  1 07:05Суперлига. "Бунёдкор" ва "Насаф" сафарда ғалаба қозонди, "Навбаҳор" эса "Динамо" билан дуранг ўйнади  0 06:30Сергей Лушчан: "Омадимиз келиб мағлубиятдан қутулиб қолдик. Жамоанинг 40% йиғиннинг сўнгги кунларида сафимизга келиб қўшилди"  2 03:00Вадим Абрамов: "Агар ўйин натижасини биринчи бўлимдаёқ ҳал қилиб қўйганимизда бундай савол бермаган бўлардингиз"  1 00:26Манише Феликс ҳақида: "Футбол лойиҳаси бўлиб қолди. Шундай клубларда имкониятлар, аммо у ишлашни хоҳламайди"  3 00:06"Интер" ва Нкункунинг агентлари трансфер шартларини муҳокама қилишмоқда  0 23:41Иван Бошкович: "Бугун нимадир ўхшамади"  0 23:14Суперлига. Пенальтидан тўп киритилмаган ва гол ҳисобга олинмаган ўйинда "Динамо" "Навбаҳор" билан жанговар дурангга имзо чекди  112 23:05Рўзиқул Бердиев: "Қарши ҳужум режасини туздик ва бу ўз мевасини берди"  8 22:50Виталий Левченко: "Катта устунликка эришиб якунда мағлуб бўлиш жуда аламли"  18 22:17Илёс Зейтуллаев: "Стадиондаги муҳит учун мухлисларга раҳмат айтаман"  4

"Навбаҳор" ҳимоячиси: "Менинг қайси футболчидан кам жойим бор, билмайман" Новости

"Навбаҳор" ҳимоячиси: "Менинг қайси футболчидан кам жойим бор, билмайман"

Наманганнинг "Навбаҳор" жамоаси жорий мавсум аввалида таркибини бир нечта футболчилар билан кучайтириб олганди.

Биринчи давра давомида янги келган футболчиларнинг аксариятига ўйин амалиёти берилган бўлса, яна айримлари ҳамон захирада имконият кутмоқда. Ўтган мавсум "Андижон"да тўп тепган ҳимоячи Хушнудбек Авилов бу йил "Навбаҳор" сафида битта баҳсда майдонга тушди. Давралар оралиғида "Андижон"га қайтиши кутилган ҳимоячи мавсумни "лочинлар" билан тугатиб қўйишни лозим топди. Футболчи билан суҳбат давомида амалиётсиз қолиб кетаётгани, жамоасини ўзгартирмагани ва бошқа саволларга жавоб олдик. 

-  Мавсум бошида катта ниятлар билан "Навбаҳор"га кўчиб ўтган эдингиз. Очиғи "Андижон"даги яхши спорт формасидан кейин бундай тарзда захирада қолиб кетишни ўйлаганмидингиз? Мана мавсум ўртасидамиз, афсусланиш, ачиниш ҳиссиётлари бўлдими?

-  Тўғри айтдингиз. "Навбаҳор"га катта мақсадлар билан келгандим. Лекин захирада ўтириб қолмоқдаман. Бошида раҳбарият ўйин амалиёти бўлади, деганди. Кўриб турганингиздек акси кузатиляпти. "Навбаҳор"га ўтганимдан ҳеч қачон афсусланмайман. Бу менга келажакка сабоқ бўлди, дея оламан. 

- Ёзда "Андижон" жиддий қизиқиш билдирган экан. Ўша пайт жамоа тажрибали ҳимоячига эҳтиёж сезаётганди. Клубнинг молиявий таклифи сизни қониқтирмадими ёки бошқа сабаблар ҳам борми? 

- Ҳа, "Андижон" қаттиқ қизиқди. Аммо Самвел Вячеславович қўйиб юбормади. "Андижон"га борганимда ҳам пул учун эмас, ўйин амалиётига эга бўлиш учун борар эдим. Афсуски, бу амалга ошгани йўқ. 

- Мураббийлар билан клубдаги ҳолатингиз ҳақида гаплашиб олдингизми?

- Самвел Вячеславович билан гаплашиб олганман. Ушбу мураббий қўл остида 6 йил тўп тепганман. Менга албатта имконият бераман, деганди. Ҳозирча сабр қилиб кутмоқдаман. 

- Балки жамоа танлашда адашгандирсиз? Футболчи учун танлов кўп нарсани ҳал қилиб бериши мумкин...

-  Фикрингиз тўғри. Футболда жамоа танлаш муҳим. Бугунги кунда кўп нарсаларни ўйламоқдаман. Аниқроғи ишонч билдиришларини. Қайси футболчидан кам жойим бор билмайман. Майдонга туширишса ўзимни кўрсатаман. 

- Афтидан вазият шундай давом этса қишда сизни бошқа бир клубда кўришимиз мумкинми?

- Шартномам йил якунида тугайди. Катта эҳтимол билан насиб қилса легионерга айланишим мумкин. 

- "Навбаҳор" иккинчи даврани кўтаринки руҳда ўтказмоқда. Жамоанинг ўйинида тартиб юзага келди. Натижалар ҳам секин-аста ижобий кўриниш олмоқда. Бу Самвел Бабаяннинг келиши билан боғлиқми? Жамоа ниҳоят мураббийга ёлчигандек...

- Албатта. Самвел Вячеславович келгач натижалар ҳам яхшиланмоқда. "Навбаҳор"га айнан шундай мураббий керак эди. Биласизми, жамоа раҳбари Отабек ака ҳам  катта ёрдам бермоқда. Молиявий томондан, ҳар томонлама шароит яратиб берганлар. Худо хоҳласа кучли учликка кира оламиз. 

Абдулазиз Искандаров суҳбатлашди

Рейтинг: +5   

Комментарии

championat.asia
< посмотреть последние новости
Яндекс.Метрика