“Насаф” “танки”нинг биринчи давра ўйинларига назар

Асли Андижон вилоятининг Шаҳрихон шаҳридан бўлган бу ўйинчи жуда қисқа вақтда ичида Қашқадарёлик футбол ишқибозларининг қалбидан чуқур жой эгаллади. У клуб мухлисларининг энг яхши кўрган ўйинчиларидан бири сифатида, эътироф этилади. Албатта бу эътирофга сазовор бўлиш ҳар қандай футболчига насиб этавермайди.

Жамоа учрашувларида жавобгарлик ҳиссини тўлиқ ҳис эта оладиган  ушбу тиниб-тинчимас ўйинчимиз, бу йилги чемпионатда жамоасининг бешта голига муаллифлик қилди. У жорий чемпионатдаги жамоамизнинг биринчи голи муаллифи ҳам саналади (ЎзПФЛ 1-тур. “Қўқон-1912″ – “Насаф” 1:2).

Шунингдек ушбу ярим ҳимоячи биринчи давра мобайнидаги 15 ўйинда майдонга тушиб, 1350 дақиқа ҳаракат қилди. Абдураҳимов тўп учун жуда кўп курашадиган ўйинчи саналади. Шундай бўлсада, ҳакамлар томонидан бор йўғи бир марта огоҳлантириш олди.

Умид қиламизки, бу ўйинчи иккинчи даврада ҳам ўзини кўрсатади ва жамоамиз ютуқларига катта ҳиссасини қўшади.